الحيره

وبعديين ايه اللى المفروض اعمله ايه الحل لاى حاجه من اللى بيحصلوا انتى فاكره انك عرفتى توهميهم كلهم انك نسيتيه لكن لا لانه لسه فى قلبك وهيفضل فيه عمرك ماهتشوفى غيره جواكى وعمرك ما هتفتحى قلبك لحد تانى انتى يمكن خلاص مش عاوزاه لكن فى نفس الوقت برضو مش هترضى بغيره طيب كل دى ليه؟ ليه هوه ليه التاثير ده عليكى ده ماكنش حب ده كان وهم انتى عارفه انه ماكنش ليه مستقبل
ليه اتجرحتى اوى كده ليه انهرتى اوى كده مش هوه ده اللى يستاهل حبك
انا عارفه انك دلوءتى ما بتفكريش اذا كان يستاهل وللا لا انتى بتفكرى فيه هوه وفى نفسك معاه رغم انك يمكن ما تكلمهوش تانى لكن انتى مفيش خطوه فى حياتك بتقومى بيها غير لما تفكرى كان رايه هيكون ايه فيها
بكره تحبى وتلاقى اللى يقدرك الحاه عمرها ما بتقف عند حد واعرفى ان هوه ده الخير ليكى بجد
يارب احميها ونسيها وارحمها من عذابها يارب ماتعرض قلبها لجرح تانى هيه مابقتش حمل حاجه يارب انت العالم بحالها خفف عنها وساعدها
امين

غروب

دائما تجده هناك واقفا فى نفس المكان عند الغروب متاملا لقرص الشمس وهو بنحدر فى السماء وهناك تلك النظره الحزينه الباكيه من عينين يشعرانك بان حزن الدنيا وهمومها قد تجمع فيهما كان يقف هناك ويتذكر مشهد اثنين كانا يقفان معا ذات يوم ليتاملا نفس مشهد الغروب ولينظرا اليه بكل امال الحاضر والمستقبل وبعيون سعيده لم تجرع مرارة الام الحياه بعد لكن امالهما غربت مع الشمس وانحدرت بلا رجعه ليحل مكانها سواد الليل الحزين والذى تضيئه النجوم الفضيه المتناثره فى الفضاء السرمدى ربما لتمنحه شيئا من الامل فى شمس جديده تشرق على حياته لتبدد هذا الظلام اما هى فقد فقد اثرهامع غروب الشمس وضاعت فى ظلام الليل ولم تستطع ان تجد طريقها وسط نجوم حياتهما لكن اكثر ما يؤلمه انه لم يستطع ان يمد يده اليها قبل ان يبتلعها ظلام ليله الحزين رغم انه نادى عليها لكنها كانت تائهه حائره فلم تصغى اليه لم تؤمن به لم تؤمن بمستقبلها معه فاصبح مستقبلها هى دربا من دروب الوهم وسرابا تجرى وراءه بلا فائده ربما يكون هو وجد طريقه وسط الظلام ونجا من ظلمات الفشل والياس ولكنه كان طريقا صعبا وطويلا مليئا بالعقبات فهو دائما ما يتمنى ان تمتد اليه يد بامل نور مشرق جديد ولو كان حتى املا زائفا حتى يحلم بمستقبل جديد

لذا مازال ياتى كل يوم لعله يجدها يوما يجد شريكة اماله واحلامه

Nanny

7\10\2007

احسن واسوا سنه فى حياتى

تانيه ثانوى لو قعدت اتكلم عليها عمرى كله مش هتكفى كلام عليها بجد كانت يمكن اكتر احداث غريبه وكتيره فى حياتى كلها انا اكيد مش هتكلم عليها بس سواء كانت حلوه او وحشه انا سعيده جدا بالسنه دى رغم ان فى اوقات كنت بلعنها فيها بجد بس دلوقتى بفتكر وابتسم عرفت ناس كتيره اوى ما كنتش عارفاهم قبل كده وكان فى ناس فاهماهم غلط كتير وبتاسفلهم بجد ده غير الهبل والغلطات الفظيعه اللى كنت بقع فيها فعلا كنت لا اطاق فى اوقات كتيره لدرجة انى كنت بستغرب دول مستحمليننى ازاى وسبحان الله اول سنه فى حياتى احب فيها المدرسه لانى قضيت فيها مع اصحابى احلى اوقات واتكلمنا فى كل حاجه واتخانقنا واتصالحنا واتناقشنا وياما ضحكنا مع بعض ووقفنا جنب بعض وواسينا بعض فعلا حسيت ساعتها ويمكن لاول مره اهمية انك تكون مع ناس بتحبهم ويحبوك وتبقوا ايد واحده بجد وانا بحمد ربنا الف مره على اصحابى اللى حواليه دول(منه وشيرى وعبير وريهام ويمنى ونهى) بجد اعز الناس عندى ويارب ما نفترق ابدا شكلى كده بدات برنامج اهداءات وبعد شويه هقول بهدى الاغنيه دى لماما وبابا وجدو وعمتو ما علينا المهم ان احلى لحظه فيها بجد كانت لحظة ما عرفت النتيجه انا ما كنتش بصدق ماما لما كانت بتقوللى ان فرحة حياتى هيه فرحة النتيجه ومسيرى جربها ولما جربتها ولاول مره فى حياتى اعيط من الفرح اللى ما كنتش اعرف معناه بجد واشوف فى عيون ماما وبابا نظرة فرح بالدنيا بحالها اسمع ناس بتهنينى ساهتها بس عرفت معناها وحسيت بالراحه الحقيقيه اللى ما كنتش مقدراها بجد ويارب ربنا يقدرنى واكمل المشوار ده فى تالته واحقق حلمهم وحلمى بجد بس دى كل حاجه بس برده عارفه انى اول ماهبدا تالته هترجع ريما لعادتها القديمه وبرده هلعن الدراسه على اللى بيدرسوا وما بتعلمش
بس
nanny

التاج التالت

واتاخرت جامد عقبال ما عملت التاج بتاع استاذ احمد عزام بس معلش امتحانات بقى يللا ملحوقه شكرا بجد على التاج ده يارب بس يكون حلو انا بخاف اصلا منهم احسن يطلعوا غلط او تتكشف عيوب فيه انا مش عارفاها يللا الحكم ليكم

نبتدى الحكايه

هل انتى تحبى؟

مش مقتنعه الى حد ما بيه دلوقتى بس الاعاب موجود فى كل وقت ولكل الاعمار اعتقد

من تحبى ؟

اكيد ماما واسرتى واصحابى وناس كتير كده

ما هو تعريفك للحب؟

مقلب او وهم واحنا مصدقينه بس وهم ما بنحاولش نصحى منه ولو صحينا بنبقى مجروحين اوى

ما دلالة الحب عندك؟

ان يكون مبنى على الثقه والصراحه المتبادله

ماهى انجح قصة حب فى رايك؟

لو فى حياتنا الواقعيه اعتقد قطز وجلنار بجد ايه الناس دى الناس اللى عمرنا ما هنلاقيها لما يجمع التدين والحب والوفاء والاخلاص والتضحيه مره واحده

ماهو اروع تعبير للحب فى نظرك؟

ان تجعل من يحبك يشعر بقوة حبه لك واسعاده وان تحاول احساسه انه الافضل ةان كلامه هو الاجمل ونظراته هى الاقوى

صفى احساسك عندما احببتى؟

هوه انا مش حبيت بس اعتقد انا عرفه احساسى هيكون ايه

انا هكون متناقضه جدا احساس بالفرحه واللهفه والخوف والحريه وحاجات كتير اوى ده لو اللى انت بتحبه بيحيبك

هل انتى مع من تحبى؟

حتى يفرقنا الموت

ماذا تتوقعى من حبيبك اذا واجهتكم مشكله؟

هيقف معايا بجد ويحسسنى انه عمره ما هيسيبنا وان هوه اللى هيحل وهوه اللى هيحمينى

بيت شعر يذكرك دائما بمن تحبى؟

احيها...... فهى من عرفت الحب يوما عندها واستيقظت فى حنايا صدرها

اغنيه ترتبط مع قصة حبك؟

ارجعلى(تامر حسنى)ا

ما اقصى ما تستطيعى ان تقدمى لحبيبك؟

حبى وقلبى واخلاصى للابد

هديه اهداها لك حبيبك وستحتفظ بها طوال حياتك؟

حبه ولهفته على

صف اول لقاء بينكما؟

المشكله ان مفيش لقاء بس هيكون كويس ان شاء الله هيكون احلى حاجه حصلتلى وهيمر بسرعه اوى كانه ما حصلش

مكان ترتبط به ذكرى بمن تحب؟

لو حصل انا واثقه انه مجرد اى مكان اشوفه فيه هيبقوا احلى ذكريات بجد فعلا

هل يمكن ان تفترق انت ومن تحب؟

اذا احترقت النجوم وهوت الشمس لن اتخلى عنه

بهدى التاج لكل من

ايمن قاسم

علياء محبوب

ليه فعلا هنضيع عمرنا احنا هناخد منها ايه ليه حياتنا جافه كده يمكن انا عشان مخنوقه بعد الامتحان ساخطه على كل حاجه مش من الامتحانات بس على فكره بس هيه فكرة ان كل حاجه حواليك بتضغط عليك ونفسى اعمل حاجات متير اوى بجد ومش قادره كانى متقيده وفعلا احساس بجد وحش لما تكون ناس عاوز تثبتلهم حاجه وتلاقى العكس دايما هوه اللى انت بتثبته لما تكون عاوز تواجه بجد ولا تكون مجروح من حد اوى ونفسك ان هوه يحس بيك كلها مشاعر لما تتجمع مره واحده تموت بجد طب ايه الحل بجد ايه اللى المفروض اعمله عشان اخلص من الاحساس ده للاسف مفيش فعلا ولما بقى تقعد تفكر فى ده وتحس ان حدودك وحدود جسدك مش مكفياك وانك عاوز تطلع تخلص وبعدين تكتشف ان كمان الدنيا نفسها ضيقه عليك يا الله على ده احساس بجد مش بتمناه لحد لانه وحش بجد لانك بتتدبح من جواك والمفروض انك تضحك وما تبينش ده لانه ضعف او انا بعتبره ضعف لانى لو انكسرت من جوايا مش عاوزه فى نظر الناس اتهد بس ده اللى كان نفسى اقوله دلوقتى لعله يخفف
ايمى

اهدانى الاستاذ احمد عزام التاج ده وانا سعيده جدا بيه بس يارب يطلع كويس اصل ده تانى تاج بعد التاج اللى اهداه العمده ايمن قاسم يللا ربنا معانا

أحب شخص الى قلبك في الدنيا؟

ماما واخويا شريف

إنسان مستعد تضحي بحياتك _ركز في كلمة حياتك_عشانه؟

برده اخويا شريف

إنسان كرهته لدرجة الجنون و تمنيت لو تمسك سكينةو تنقض عليه و تغرزها في قلبه تقتله و تقف تبص على جثته و تشفي غليل قلبك؟

مس العربى فى اولى ثانوى

ما هو إسم أجمل كتاب كتبه بشرقرأته و محتفظ به حتى الآن؟

البؤساء

إسم كتاب_كتبه بشر برضه_إنت متعلق بيه و بتقراه كل فترة؟

ملحمة الحرافيش

أهم جهاز منزلي متعلق بيه أوبتستخدمه كتيرشىء تحس بالراحة النفسية عندما تنظر إليه؟

الكمبيوتر

شىء تحس بالراحة النفسية عندما تنظر إليه؟

البحر والشروق

مكان تحس فيه بالحنين إلى شىء لا تدري ما هو و ذكريات جارفة إلى لا شىء؟

بيت جدى والحقول الخضرا وواسعه

مكان تحس بالراحة عندما تدخله؟

المسجد وبرده بيت جدى

أجمل مدينة زرتها داخل مصر؟

مرسى مطروح

شخصية كرتونية بتحبها؟

بطوط

نوع هاتفك المحمول؟

نوكيا

سرعة بروسيسور جهازك؟

3.5

ذاكرة _هارد_جهازك؟

160G.P

المساحة التي تشغلها المساحة الاسلامية على جهازك؟

11.9G

نفس الاجابة السالف ذكرها في قلبك_الاجابة لنفسك عشان الرياء

اعتقد اللى يمنعنى من انى اتماشى وانجرف مع كل اللى بيحصل حواليه

أهم هدف انت واضعه لحياتك الآن؟

ادخل كلية صيدله

مواصفات فتى الاحلام بالنسبة لي؟

متدين وحازم وحنون وكريم وطبعا يحبنى

صف ما يأتي شعورك لما بتسمع كلمة مصر؟

مش عارفه اعتقد خيبة الامل واحساسى ان كان ممكن يكون حالنا احسن بس الزمن الاغبر وساعات بزعل من نفسى كانى السبب فى اللى بيحصل فينا

شعورك لما بتسمع كلام عن اليهود؟

كره وحقد واتمنى انى اكون قادره ان انا اعمل حاجه بجد مع انه تفكير ساذج لكن هوه ده اللى بنحس بيه فعلا

شعورك لما بتشوف ضابط شرطة؟

بتخنق منه وابعد وبخاف الى حد ما واتمنى انى ما اقابلش واحد تانى

شعورك لما بتشوف الكناس العجوز في الطريق؟

بزعل واتمنى لو معايا الفلوس اللى تخلينى اساعده بيها بس بحترمه جدا فى نفس الوقت واقول ربنا ما يخلينا ننزل كده وبحمد ربنا

فكارك تجاه شاب ماشي في الطريق يلبس جلابية بيضاء قصيرة و عمامة و له لحية و بجيبه السواك و في يده مصحف؟

بفرح واتمنى انه ما يكونش استكمال للمنظر الاجتماعى وان يكون كل الشباب زيه ويرجعوا لدينهم ويمشوا على سنة رسولهم

إحساس يراودك في اشارة مرور مغلقة بسبب مسئول كبير؟

بتخنق وببقى نفسى اقوم اكسر عليه العربيه اللى راكبها

خلص التاج يارب يكون حلو

انا بمرره ل

العمده ايمن قاسم

طارق المملوك

هامش هاشم مع انى ما اعرفوش بس المدونه رائعه

علياء محبوب

try to know who am i iam who sold his age and bought you iam the person who did his best to satisfy you iam the person who loved you in silence but his eyes told you his feelings iam the person who you didinot notice not even for one second iam the person who you had hurted his feelings with out ant mercy
so have you reconized me?

زمن الجنون

اخذت انظر يمينا ويسارا بحثا عنه فلم اجده اخذت انادى باعلى صوتى ولكت تردد صدى صوتى فى المكان بلا اجابه اخذت اجرى ملتاعه فى ارجاء المكان ولكن بلا فائده اخذت افكر اين انا ونظرت حولى فلم اجد سوى فراغ وعدم والاشواك تحيط بى من كل مكان ثم وجدته فجاه ملقى على الارض ينزف فانحنيت ملهوفه عليه احاول ان اداوى جراحه الغائره فلم استطع قلت له ماذا حدث وكيف حدث هذا لك انت يا من كنت اعتبره الاقوى القادر دائما على تحدى الازمات والتصدى لضربات القدر قال لى فى تهالك اننا فى زمن الجنون حيث اصبح للنفاق والقسوه والكذب والخيانه الكلمه العليا واصبح اللص حاكم والظالم قاضى والقاتل ضحيه والبرىء متهم ماذا تظنين فى زمن انقلبت فيه الموازين زمن يرغمك على التخلى عن مبادئك للتعامل مع اشخاص اصبحت مبادئهم فى طيات النسيان واصبحت اخلاقهم دربا من دروب الوهم اننى راحل غير اسف على حياة بلا حياه فى ذلك العالم واذا بى اجده بتوقف عن النبض بين يدىفانطلقت اصرخ واصرخ

واذا بى استيقظ من نومى فجاه وابكى على قلبى الذى فقدته واصبحت مثل باقى افراد زمن الجنون انسانه بلا قلب........ا

شىء صعب ان الموت يخطف شخص عزيز عليك وكنت بتحبه اوى فتلاقيه فجاه اختفى من حياتك فى الاول مش هتصدق انه مات وهتحاول تكدب على نفسك وتقنع نفسك بغير كده لكن مع مرور الوقت هتقبلها على انها حقيقه مره مش هتقدر للاسف تغيرها وهتبدا تشغل نفسك باللى ينسيك ممكن تصاحب ناس ماكنش ليك اى علاقه بيهم وفى وسط رحلة نسيانك ممكن تجرح ناس كتير من غير ما تحس لغاية ما توصل لمرحله وما تبقاش قادر تستمر كده وتفوق وتندم على اللى عملته فى ناس كتير ماكنش ليهم ذنب وممكن تلاقى نفسك اتغيرت من جواك بجد وما بقتش الانسان اللى انت عرفته زمانوهتستغرب نفسك بس هتتاقلم وتكمل حياتك لكن مش هتنسى ابدا اللى خطفه الموت منك وهتلاقى نفسك كتير قاعد لوحدك ومشتاقله اوى ونفسك تشوفه اوى وتسمع كلامه ونصايحه وكتير هتلاقى نفسك بتقلده فى افكاره وتصرفاته لكن حياتك بتستمر رغم كل شىء


شىء صعب انك تحب انسان وهوه مش حاسس بيك ساعتها هتحاول تلفت انتباهه بكل وسيله ليك ومهما عمل فيك هتغفرله وممكن تحبه وتشتاقله اكتر كمان وبمرور الوقت وتجاهله التام ليك هتنطوى وتتعذب لوحدك من غير كلام ومن غير ما توصله احساسك او عذابك لمجرد انه ما يشفقش عليك لان ساعتها شعور الشفقه هيكون اسوا من الف سكينه يطعنك بيها ولو جرحك او اذاك هتلاقيله برده مبررات وتغفر له لغاية ما توصل لمرحله ما تبقاش قادر تستمر اكتر من كده وتتمرد وتسيبه بدون اى مقدمات وتحاول تنساه لكن ما بتنساش وبتفضل عايش على ذكراه لكن بتكون خلاص وصلت لمرحله ما ينفعش تتنازل اكتر من كده وترجعله مهما اتعذبت فى بعده عنك لكن لو حصل وحس بيك وهوه اللى رجعلك يجيلك احساس وكانك ملكت الدنيا كلها بين ايديك كإن عذابك كله ما كنش ليه وجود قبل كده وتحس انك بتحبه اكتر من الاول الف مره

NANNY

شىء صعب اوى انك تكتشف انك قسيت وجرحت انسان او ظلمته وهوه ياما حاول يدافع عن نفسه وانت كنت بتحبطه كل مره وبعدين تكتشف ده بعد فوات الاوان بعد ما يكون خلاص ضاع وشىء اصعب انك انت تكون الانسان المظلوم ده او اللى بيتفهم غلط دايما ساعتها هتحس انك عاوز تصرخ باعلى صوت وتقول الحقيقه وتدافع عن نفسك لكن مش عارف محدش عاوز يسمعك او عاوز يعرف انت عاوز تقول ايه ساعتها هتحس انك متضايق وهتصغر قدام نفسك وانت بتحاول تدافع ومش قادر ساعتها هتحس انك عاوز تكسر كل الحواجز وتقنع اللى حواليك باللى عاوز تقوله ولما ما تقدرش مش هيبقى قدامك غير عزلتك ودموعك

احساس صعب انك تكتشف انك انخدعت فى حد كنت مديله كل ثقتك ومستامنه على كل مشاعرك واحساس اصعب لما تكون دافعت عنه ادام الناس كلها وتعبت بجد علشانه عشان بس تثبت ان انت صح وان هوه قد ثقتك وبعدين تتهد كا امالك واحلامك عنه مره واحده ساعتها هتحس بمراره رهيبه وهتحس انك مش قادر تورى وشك للناس وهتحس ان كلام الدنيا دى كلها مش هيكفى الشخص ده عشان تلومه او تعاتبه وهتحس انك نفسك تتكلم وتتكلم معاه وتوصفله اد ايه هوه كان غالى وبقى دلوقتى مالوش اى اهميه واد ايه هوه كان انسان عظيم فى نظرك وضيع كل ده فى ثانيه واحده وهد كل ثقتك ساعتها بس ممكن ترتاح وتفكر عشان تعيد حساباتك مره تانيه

حلم

كثيرون غيرك مروا سريعا
ولم يبق منهم سوى ذكريات
فمن باعنى فى مزاد رخيص
ومن صار عندى بقايا رفات
فلا تحزنى
ان رايت الربيع
حزين الملامح
فظ السمات
غدا تجلسين بشط الخريف
يطوف عليكى
صدى الاغنيات
تريدين يوما يتيما بقربى
لقد كنت حلما جميلا ومات
شعر(فاروق جويده)

لماذا

لماذا...... سؤال يتردد كثيرا فى عقلى لماذا نحن هكذا دوما؟ لماذا نحب ما ليس لنا ونعشق ما هو بعيد عنا؟ لماذا نتمسك كثيرا بمن تركنا؟ لماذا يظل القلب متعلقا بالشخص الذى احبه ومها فعل هذا الشخص يغفر له؟لماذا نكون فى غفله عمن يحبوننا حقا؟لماذا نجرح؟ لماذا نقسو؟لماذا لا نحاول ان نحب من احبنا؟ لماذا لا نحاول ان نكتشف ما يمكن ان يجذبنا اليه بدلا من ان نعيش على ذكرى اناس لا يستحقون هذا العناء؟لماذا لا نحاول ان نضع حد لغرورنا وان ننظر تحت اقدامنا لنعرف مكاننا الحقيقى من هذا العالم؟ لماذا لا نكسر شوكة الغرور داخلنا لنرى اصدقائنا من اعدائنا من يحبوننا ممن يستغلوننا؟ حتى لا ياتى اليوم الذى لا ينفع فيه الندم على من جرحناهم وكان كل ذنبهم انهم احبونا فلم نعرهم التفاتا. لماذا سؤال لم اجد اجابته لكن عسى ان تجدوا انتم اجابته بداخلكم لكى تغيروا ما بها ولو قليلا

امتى بقى بجد هنفوق من الوهم اللى احنا عايشين فيه امتى هنفكر صح بجد ولو لمره فى حياتنا انا لما قعدت افكر مع نفسى لقيت ان كل اللى بيشغلنا قضايا تافهة لا بتقدم ولا بتاخر حاجه كل واحد فينا بيقول يللا نفسى ما حدش بيبص على الناس اللى حواليه محدش بيبص غير على مشاكله حتى لوكانت 1على10 من مشاكل ناس كتير بجد احنا فى زمن ما ينفعش تقول على نفسك انك طيب فيه لانك هتتداش بالجزم من اقرب الناس انا ما بقولش ان الناس بقت وحشه اوى كده او ان الخير انعدم بس الانحلال والفساد اتسربوا لكل حاجه حتى نفوسنا والتفاهه بقت عيه الموضوع العظيم اللى احنا مشغولين بيه شوف كل واحد بيتابع فى اليوم اخبار الفن اد ايه وبيشوف اخبار الفلسطينيين والعرقيين اد ايه احنا فعلا بنضيع والزمن بيجرى بينا واحنا مش حاسين بقت كل حاجه ممله كل حاجه عليها ضغوط وزمن الحريه زى ما بيقولوا بقى اسوا من اى سجن انا بكتب ده بس عشان نصحى ضميرنا اللى نايم من زمان ولو للحظة فكروا فى العالم اللى حواليكواولو للحظه واحده تخيل نفسك واحد من العراقيين اصبح بلا اهل بلا وطن وحتى كل العرب اللى زيه اتخلوا عنه تخيل المراره والالم والقهر والذل اللى ممكن تتعرضله وانت فى بيتك وفى بلدك ومتكتف مش قادر تعمل حاجه

زمان عشان انزل العب مع بنت الجيران لان ماما ماكنتش بترضى ان انا انزل كتير فكنت انا ادخل البلكونه وامسك الهدوم اللى همه ناشرينها وارميها على الحبل بتاعهم عشان كانوا تحتينا فيقوموا نادهيللى عشان انزل اخد الهدوم وانزل اقعد باساعه لغاية ما شافتنى واحده من الجيران كل يوم وانا بعمل كده وقالت لماما وماما راحت قفشانى وانا بوقع الغسيل وخدت علقه .....انما ايه

وان فى تالته ابتدائى كان فى واحده صاحبتى رغايه اوى وكانت بتقعد جنبى وكنت فى يوم مصدعه ومضايقه وكانت هيه عماله تتخانق وتزعق واقولها يابنتى اسكتى مفيش اقولها مصدعه مفيش اقولها والنبى اسكتى مفيش لغاية اخر ما ذهقت رحت رافعه ايدى وبالقلم على وشها وقلتلهل اخرسى وياريتها خرست دى قلبت الدنيا عياط ولمت عليه المدرسه وبرده ماخرستش وريحتنى من الصداع

الساعه

كان عندنا زمان ساعه كبيره وقديمه قوى وكانت بتعمل صوت جامد كل ما تمر ساعه وكان ليها مفتاح او زنبرك كانوا بيدوروه كل فتره ويظبطوها بيه وماكانوش بيخلونى اقرب منها عشان ما اكسرهاش ففى يوم صحيت بدرى من النوم وكان كله نايم وجبت كرسى وطلعت عليه عشان اطول الساعه اصلى كنت قصيره اوى وقعدت العب فى المفتاح وادوره واحرك فى الساعه لغاية ما فجاه لقيتها وقعت فى الارض وعملت صوت جامد اوى وقعدت تعمل الصوت اللى بتعمله كل ما تمر ساعه فرحت جاريه بسرعه واستخبيت تحت السرير اصلى كنت عارفه انهم عرفوا انى دايما بستخبى ورا السرير فغيرت المخبا وقعدوا يدوروا عليه عشان اخد نصيبى من العلقه بس ما لقونيش واختى عشان تنقم منى لانى كنت دايما برخم عليها فضلت مخليانى مستخبيه تحت السرير ساعه وقعدت تخوفنى ان بابا مستنينى وبعد كده اكتشفت ان بابا كان نسى الحكايه بعد 5 دقايق

كوكو والاستاذ

وانا طفله صغيره عندى 3 او 4 سنين كان فى نجار قصادنا وكنت بحبه قوى وكنت بقولله يا اتاذ ويقوللى ياكوكو وعشان الفت انتباهه كنت بمسك لعبى وارميها ادامه من الشباك عشان اقولله ازيك يا استاذ ويقوللى ازيك ياكوكو ويدينى اللعب بتاعتى

معاكسات

وكنت برده احب اعاكس فى التليفون واتصل بالناس واقوللهم انا بطه انتوا مش عارفيننى ولا ايه وممكن اتصل بالنمره 10 مرات ورا بعض لغاية ما مره قعدت اتصل بالسنترال عشان عجبتنى نمرته واتصلوا بالبيت يشتكوا ان فى بنت صغيره بتعاكسهم فى التليفون اسمها بطه ومن ساعتها حرمت معاكسات اللهم الا نص نمر الدليل بس

اترانى فقدت حبيبا يستحق؟ اترانى اضعت من يدى من لن اجد مثله مهما حييت ؟ ايمكن ان يغفر لى ويعود لى؟ ايمكن ان يعود حبه القديم يظللنى ويحمينى مجددا؟ فى وقت حبه احسست بكل المشاعر التى يمكن ان تنتاب اى انسان واحسست بالحب والشغف والخوف والاطمئنان والامان والخجل والغيره والكره نعم اجتمعت كل تلك المتناقضات معا فى آن واحد فقد احببته واحسست بالشغف للقائه والخوف من فقدانه والاطمئنان لوجوده والخجل بمجرد النظر فى عينه وكرهت لحظة فراقنا

ايمان 2/12/2005

قلت لها ما هو الحب؟ ... قالت انا وانت
قلت لها ما هو المستحيل قالت هو فراقى عنك

قلت لها ما هو الكره قالت هو المجهول بيننا

قلت لها ما هى الابديه قالت حبنا

انها هى .هى التى خلبت لبى من اول نظره ثم من اول لقاء .هى من حركت عواطفى نحوها.هى التى كلما رايتها تسارعت دقات قلبى وتلعثمت وارتبكت وشعرت بان روحى تنتزع انتزاعا.هى من زلزلت كيانى.هى التى كلما نظرت فى عينيها رايت حنان وعطف يكفينى عمرا ثانيا.هى من تاخذنى معها فى عوالم اخرى سحريه فاحلم بين جنباتها بها وبى.هى من بنيت معها فى احلامى قصورا تهدمت عندما استيقظت.هى من وهبتها قلبى لاخر الزمان.هى من وهبتها عمرى.هى صديقتى وحبيبتى.هى من اشعر معها بانى لا استحقها.هى من احمد ربى كل ثانيه على معرفتى بها.هى التى يتجمد الزمان وانا معها .هى التى تواسينى اذا حزنت.هى التى تنصحنى اذا اخطات.هى التى تحمينى اذا خفت.هى التى انام وصورتها بين عينى.هى التى اصحو وصورتها امامى.انها فى كل مكان.انها ابنتى وحبيبتى.انها من اكتب لها واغنى من اجلها واضحك بها وابكى من غيرها

انها حبيبتى

ايمان 30/11/2004

خواطر

احبها.. هى من عرفت الحب يوما عندها .هى من اشعر بحنين اليها عندما لا اراها وعندما اراها انسى ما اعددت من كلام واحس باننى تافهة وسطحيه وكل من حولى يعرفون كيف يتكلمون معها واحس اننى اريد ان اصرخ بها واقول انتبهى لى فانا احبك ثم افيق واود ان انسحب واتراجع واقول ان هذا الوقت معها لن يعوض فاتجرا ةاتكلم وادخل فى مواضيع واخرج منها وفجاه عندما انظر فى عينيها يتوقف العالم من حولى فلا ارى الا انا وهى فقط واصمت واخجل واخفض عينى فيعود العالم مره اخرى وهكذا ينتهى اللقاء على امل بلقاء اخر وامضى وفى قلبى اقول احبك.احبك.احبك احب من تالفت روحى معها .انا احب توام رروحى

هى